Башкы каарман Касым Кореяда беш жыл иштеп Кыргызстанга кайтып келет. Ажаан аялынан тажаган Касым, экинчи аялдыкка жаш ырчы кызды алмак болот. Тайкеси Жоошбай менен тайжеңеси Гүкүш, атайын учурашканы айылдан Бишкекке мотоцикл менен келишет. Профессор досу Дайыр, бул жолу мурдагысынан дагы күчтүү бир шумдук көз айнек ойлоп табат. Жоошбай ал көз айнек аркылуу Гүкүштүн жаман оюн билип калат. Касым менен ырчы кыздын жашыруун үйлөнүү тоюна Касымдын аялы Нургул да күбө болот. Тополоң тамашанын баары ошондон башталат.