Менин атым мигрант

10 жыл мурун Москвага мигрант болуп иштеп келген Арстан башынан көп кыйынчылык өткөрөт. Аялы боюндагы баласы менен иштеген жеринен өрт чыгып, каза болуп калат. Ошол бойдон Арстан үйлөнбөй жүрөт. Бирок, ишкерлиги өсүп, кыйналган кыргыздарга жардам берген деңгээлге жетет. Эсенбай аттуу тууганы дагы келип Арстандын кол астында иштеп калат. Москвага жашап көнө албай Кыргызстанды сагына берет. Эсенбайга айылдашы Азамат деген небересин дайындаса, ага жатакана, жумуш таап беришет. Бирок, Азамат наркокурьер болуп иштеп, көп акча тапканга кызыгып, мыйзамсыз ишке аралашып кетет. Азамат турмого түшүп камалат. Арстан кыргыздарга жардам бергенин токтотпой болгон күчүн жумшайт.